Brav sin– LOSS MER FIERE

Brav sin Kölsch

Brav sein Hochdeutsch

Text

Kölsch

Ich kunnt nie richtich treu sin, ich wor ne fiese Möp,
han Nächte lang jesoffe un miehstens jov et Klöpp.
Ben öm d`r Block jetrocke, han Blödsinn och jemaaht,
un minge Schuss vun Ovends han ich morjens fott jebraaht.
Dat woren hade Zicke, wor Daach un Naach op Jöck,
han Fründinne jewääselt, manchmol langsam, miestens flöck,
su manches Hätz jebroche, dat wor mir dress ejal,
für mich wo jedes Wochenende immer Damenwahl.

Wer will schon brav sin un in d´r Himmel,
wer will schon brav sin e lääve lang,
ich kann nit brav sin un will nit in d´r Himmel,
ich will noch su viel Spass im lääve han.
Wer will schon brav sin un in d´r Himmel,
wer will schon brav sin e lääve lang,
ich kann nit brav sin un will nit in d´r Himmel,
weil ich do bovve doch kein Fründe han.

Ich kunnt mich nit fest binge, dat wor für mich ne jraus,
ich wor ne echte Macho han jelääv en saus und braus,
ming Freiheit wor für mich, alles wat ich hat,
ejal och wieviel Fraue dovun wood ich niemols satt.
Wor Schwiejedermutters Albtraum, wor richtich arojant,
und sevs minge beste Fründe han mich dann nit mie erkannt,
im Sommer op Mallorca, im Winter Apres-Ski,
mieh läävensmotto domols, ich saache niemols nie.

Wer will schon brav sin un in d´r Himmel,
wer will schon brav sin e lääve lang,
ich kann nit brav sin un will nit in d´r Himmel,
ich will noch su viel Spass im lääve han.
Wer will schon brav sin un in d´r Himmel,
wer will schon brav sin e lääve lang,
ich kann nit brav sin un will nit in d´r Himmel,
weil ich do bovve doch kein Fründe han.