Bütze de Luxe– Bläck Fööss

Bütze de Luxe Kölsch

Küssen de Luxe Hochdeutsch

Text

Kölsch

Text und Musik: Hans Thodam /Uli Baronowsky/ Bläck Fööss
En London mau
En New York lau
En Wien nur op de Häng
für die gnädige Frau
Die Eskimos, die maachen et met d`r Nas
Ne Italiener jitt dobei vill zuvill Jas.

En Hamburg schmecken se doch immer schwer noh Fesch.
En München Bussi, Bussi zünftig bayerisch.
Dä Paps dä läät sich dobei op de Äd.
Nur en Kölle wesse mir jenau
wie et jeiht

En Kölle jebütz, es Bütze de Luxe
Un wunder dich nit, denn dat jeiht he janz flöck.
Et Levve deit joot
häs de`t Bütze em Bloot
Dröm schamm dich doch nit
un maach einfach met.

En Kölle jebütz, es Bütze de Luxe
Dröm kumm doch ens her, denn he fings de di Jlöck.
Et Levve deit joot
häs de`t Bütze em Bloot
En Kölle jebütz, es Bütze de Luxe.

Wie die en Moskau bütz ich minge Broder nie
Un kriss de eins vum Pääd dann deit dat tierisch wih.
Für Pänz wor et ald immer dä jrößte Jenuss
ne botterweiche, zockersöße Schokokuss.

Ne Japaner böck sich wenn hä bütze will,
Franzuse bütze immer ahn de falsche Stell.
Dä Judas jing dat Bütze janz falsch ahn,
nur mir Kölsche wesse wie mer richtig bütze kann.

Kumm stell dich nit ahn
wat es schon dobei
em rubedidupp es et Levve vorbei.

Dröm bes keine Frosch
un spetz ens ding Schnüß
dann wes de en Kölle
zom Prinz wach jebütz.