Op dem Maat– De Räuber

Op dem Maat Kölsch

Auf dem Markt Hochdeutsch

Text

Kölsch

Op dem Maat, op dem Maat, stonn die Buure,
Decke Eier, fuhle Prumme, lange Muhre.
Un die Lück, un die Lück, sin am luure,
op die Eier, op die Prumme, op die Muhre.

Et Samsdaachs jeht die Mamma immer janz fröh op dr Maat.
Denn do jitt et fresche Eier, Kappes un Salat.
En Maatfrau schreit aus voller Brust,
dr Koppschlot dreimarkvier,
met Lüs un Schnecke inclusiv, dat es doch nit ze düür.

Op dem Maat, op dem Maat, stonn die Buure...
En Colonia, en Colonia

Un nevvenahn, do steht ene Kääl met Kappes un Schavou.
Dä Kappes es met Mess jedünk un Ferkesjauche pur.
Doch eines hätt hä nit bedaach, dat es doch sunneklor,
dat och dr Mess hück nit mie es, wat hä ens fröher wor.

Op dem Maat, op dem Maat, stonn die Buure...
En Colonia, en Colonia

En Currywoosch, für zweschedurch, schmeckt he noch Jung un Alt,
denn dofür sorch dr Curry-Jupp vum schöne Westerwald.
Un för die Woosch em Plastikdarm jewürz met vill Phosphat,
do stonn sujar de Jröne an dr Frittebud parat.

Op dem Maat, op dem Maat, stonn die Buure...
En Colonia, en Colonia

Op dem Maat, op dem Maat, stonn die Buure...