Op die Welt– Rheinländer

Op die Welt Kölsch

Auf die Welt Hochdeutsch

Text

Kölsch

M’r kann et langsam nit mieh hüüre,
dat fröher alles besser wor!
Mer künne immer wigger kühme,
doch dat jitt nur jraue Hoor!

Sulang de Sonn am Himmel steit,
un et Lääve immer wigger jeit,
sulang mer joode Fründe han,
un en ne Ääpel en d´r Pann,
sulang singe mir:

Op die Welt un op et Lääve,
op die Liebe un et Jlöck,
op die Stadt an der mer klääve,
janz ejal wat morje kütt!

Op die Welt un op et Lääve,
op die Liebe un et Jlöck,
op die Stadt an der mer klääve,
denn mer lääve hück!

Dä ein dä deit nur lamentiere,
ne andre singk nur noch en Moll,
mer meint, et jööv nix mih zo fiere,
un mer frööch sich, wat dat soll?

Sulang de Sonn am Himmel steit,
un et Lääve immer wigger jeit,
sulang de Bank uns Dispo jitt,
ov mer Jeld han oder nit,
sulang drinke mir:

Op die Welt un op et Lääve,...

Mer fiere jän - och ohne Jrund,
un maache hück d´r Deckel rund!


Op die Welt un op et Lääve,...